Россия аҳолисининг 30 фоизи АҚШ ва Россия ўртасида уруш бўлиши мумкин, деб ҳисоблайди. Бу ҳақда Россия жамоатчилик фикрини ўрганиш маркази томонидан ўтказилган сўров натижаларига асосланиб, «РИА Новости» маълум қилди.
Россияликларнинг 63 фоизи бундай низо бўлиши мумкин эмас ёки эҳтимоли кам, деб ҳисоблайди. Сўровда иштирок этганларнинг 16 фоизи икки мамлакат ўртасидаги урушни умуман ҳақиқатдан йироқ деб ҳисоблайди. Уруш эҳтимолини кам деб ҳисоблайдиганлар 47 фоизни ташкил қилади. Урушнинг бўлиши аниқ ва бошланиши мумкин деб ҳисобловчилар 16 фоиз, аҳолининг 14 фоизи эса бундай уруш аллақачон бошланган деб ҳисоблайди.
2014 йил март ойида ўтказилган сўров маълумотларига кўра, сўровда иштирок этганларнинг 25 фоизи бундай уруш бўлиши мумкин эмас, 51 фоиз уруш эҳтимоли кам, 14 фоизи уруш аниқ, атиги 4 фоизи эса уруш аллақачон бошланган, деб ҳисоблаган.
Бу йилги сўров 2017 йил 11—12 апрелда 1,2 минг киши ўртасида ўтказилган. Статистик хатолик 3,5 фоиздан ошмайди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)