Тошкентнинг «Бунёдкор» футбол клубида туб ислоҳотлар амалга ошиши мумкин, деб хабар берди «Championat.asia». Нашр бунда тасдиқланмаган маълумотларга таянган.
Айтилишича, «Бунёдкор» ҳомийлари клуб қайд этаётган натижалардан қониқмаяпти. Чунки «қалдирғочлар» Чемпионлар лигасининг кетма-кет тўрт ўйинида имкониятни бой берди, Ўзбекистон чемпионатида эса кетма-кет тўрт ўйинда зафар қуча олмади.
Бунинг оқибатида бош мураббий Сергей Лушчан истеъфога чиқарилиши катта эҳтимол. Унинг ўрнида ким фаолият олиб бориши мумкинлиги ҳозирча аниқ эмас.
Норасмий маълумотларга кўра, ўз вақтида Маданият ва спорт ишлари вазирининг ўринбосари сифатида фаолият олиб борган Мурод Алиев «Бунёдкор»даги лавозимлардан бирини эгаллаши мумкин. Бунда унинг қайси вазифасини бажариши мумкинлиги очиқланмаган.
Изоҳ (0)