Суриянинг Рашидин туманидаги теракт қурбонлари сони 100 кишига етди. Бу ҳақда CNN манбаларига таяниб, «Корреспондент.net» хабар бермоқда.
Олдинроқ Идлиб вилоятидаги Фуа ва Кефрая шиа қишлоқларидан эвакуация қилинган аҳолини олиб кетаётган автобуслар олдида террорчи-худкуш ўзини портлатиб юборгани оқибатида 16 киши ўлгани билдирилганди.
Портлаш оқибатида яраланганлар тез тиббий ёрдам машиналарида Алеппо касалхоналарига етказилди. Жангарилар уларни ҳукумат армияси назоратидаги ҳудудга қўймаётган эди.
«Келишиб олишга эришилди. Жангарилар эгаллаган ҳудуддан Фуа ва Кефраянинг жароҳатланган фуқаролари бўлган машиналар чиқиб кетди, уларнинг бир қисми шаҳар касалхоналарига жойлаштирилди», — дея ҳикоя қилди манба.
Манбага кўра, ярадорлар эвазига суриялик ҳарбийлар жангарилар ҳамда уларнинг оила аъзолари бўлган 5 та автобусни Рашидин томонга ўтказган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)