Энг қадимий ва кучли метеор оқимларидан бири Лиридларни 16 апрелдан ойнинг охиригача Россиянинг бутун ҳудудида очиқ об-ҳаво шароитида кузатиш мумкин бўлади. Бу ҳақда Россия фанлар академияси астрономия институти Қуёш тизими тадқиқотлари бўлимининг етакчи илмий ходими Александр Багровнинг маълумотларига таяниб, «ТАСС» хабар берди.
Лиридлар энг қадимий ва ҳар йили кузатиладиган метеор оқимларидан бири бўлиб, у ҳақидаги дастлабки маълумотлар милоддан аввалги 687 йилга бориб тақалади. «Учар юлдузлар» Лира юлдузлар туркумидан учиб тушаётганга ўхшаб кўрингани учун оқим шу номни олган.
16 апрелдан 25 апрелгача бўлган вақт оралиғида Ер Тэтчер (C/1861 G1) кометаси думи қолдирган чанг оралиғидан ўтади. Бу йил 22 апрель тонгида оқимнинг энг фаол вақти кузатилади. Бу вақтда соатига 15—20 та метеор учиши кутилмоқда. Оқимни оддий кўз билан сунъий ёруғликдан узоқ қоронғи жойда кузатиш керак бўлади.
2017 йил бошида Улуғбек номидаги Астрономия институти катта илмий ходими Чори Шердановнинг «Народное слово» газетасида чоп этилган астрономик ҳодисалар таҳлилида йил давомида Лиридлар, Орионидлар, Леонидлар ва Геминидлар (метеорлар оқимлари) ҳосил қилган «юлдузлар ёмғири»ни кузатиш имконияти мавжудлиги айтилган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)