ХКС экипажи Ерга қайтди. Космонавтлар 173 кун орбитада бўлди

Халқаро космик станциянинг 50-узоқ муддатли экспедицияси экипажи Ерга қайтди. Бу ҳақда «Роскосмос»нинг Twitter’даги саҳифасида ахборот берилган.

Россиялик Андрей Борисенко ва Сергей Рижиков, шунингдек, NASA астронавти Роберт Кимброу бошқариладиган «Союз МС-02» кемасида Қозоғистон ҳудудига қўнди. Уларнинг ХКСдаги экспедицияси 173 кун давом этди.

#СоюзМС02: есть посадка! Космонавты Андрей Борисенко, Сергей Рыжиков и астронавт Роберт Шейн Кимброу вернулись на Землю. Добро пожаловать! pic.twitter.com/Y7qyL59ozG

— РОСКОСМОС (@roscosmos) April 10, 2017

Андрей Борисенко, Сергей Рижиков ва Роберт Кимброу 2016 йил 19 октябрь куни ХКСга йўл олган эди. Кема парвози дастлаб 23 сентябрга режалаштирилган эди, бироқ бошқарув тизимидаги носозлик сабаб парвоз санаси кўчирилган эди.

Парвоз режасига кўра, Борисенко, Рижиков ва Кимброу орбитада 130 кун давомида бўлишлари лозим эди, бироқ кейинроқ миссия муддатини узайтиришга қарор қилинди.

«Дарё»нинг Telegram’даги расмий канали — @toshqindaryo’га аъзо бўлинг!