Хитой компанияси Қозоғистонда GM Uzbekistan автомобилларини йиғишда иштирок этади

Хитойнинг СМС давлат компанияси Қозоғистонда GM Uzbekistan автомобилларини йиғишда иштирок этади. Бу ҳақда «1News» хабар бермоқда.

Хитой компанияси Қозоғистоннинг AllurGroup аксядорлик жамияти капиталига кириши ва оддий акцияларининг 51 фоизини харид қилиши ҳақидаги келишувга эришди. Мазкур ҳужжатга СМС президенти Ван Сю Шэн ва AllurGroup акциядори, директорлар кенгаши аъзоси Юрий Цхай томонидан имзоланди.

Хитойлик шериклар ёрдамида Кустанайдаги корхона ишлаб чиқаришини маҳаллийлаштиришни чуқурлаштириш, янги технологияларни жорий этиши, «СариаркаАвтопром» базасида кам харажат ва юксак самара билан замонавий автомобиллар ишлаб чиқарилиши кўзда тутилмоқда. 

Маълумот учун, GM Uzbekistan ва AllurGroup ўртасидаги келишувга мувофиқ, Кустанайдаги «СариаркаАвтопром» корхонасида йилига 3 минг дона Ravon Nexia R3 седани йиғилади. Кейинчалик бу кўрсаткич 7 минггача етиши мумкин.

«Дарё»нинг Telegram’даги расмий канали — @toshqindaryo’га аъзо бўлинг!