Hot Wheels автоўйинчоғи 150 минг доллар баҳоланди

Beach Bomb туркумидаги хатолик туфайли чиқарилган Hot Wheels автоўйинчоғи 150 минг долларгача баҳоланмоқда. Бу ҳақда «Мотор» хабар берди. 

Ўйинчоқ 1969 йилда ишлаб чиқарилган Volkswagen Microbus минивени нусхаси сифатида тайёрланган.

Комплектида икки сёрфинг-тахта борлиги унинг ажралиб турувчи хусусияти ҳисобланади. Бироқ кейинчалик ўйинчоқ Mattel Supercharger «гаражи» учун ўта оғир эканлиги маълум бўлди ва уни қайта тайёрлашга қарор қилинди. 

Натижада Volkswagen Microbus’нинг бошқа версияси сотувга чиқди, бироқ носозлик аниқлангунга қадар «нотўғри» ўйинчоқлар туркуми тарқалишга улгурган эди. 

Ўйинчоқ баҳосини унинг тим қизил ранги ҳам оширмоқда: яроқсиз моделчалар орасида бу энг ноёб ранг ҳисобланади.

«Дарё»нинг Telegram’даги расмий канали — @toshqindaryo’га аъзо бўлинг!