Британиянинг Coys аукцион уйи 80 мил (128 км) йўл босган Mercedes-Benz СL 500 родстерини сотувга қўйди, деб ёзади «Мотор». 1996 йилги автомобиль биринчи хўжайини калитни йўқотиб қўйгани учун 20 йил ҳайдалмасдан турган.
Аукцион уйи раҳбари Крис Рутлеж айтиб беришича, родстер бадавлат бир қизга совға қилинган, аммо у кўп ўтмасдан машина калитини йўқотиб қўйгач, 20 йил давомида ундан фойдаланмаган.
Рутлеж таъкидлашича, агар машина бутун ўтган вақт мобайнида ҳайдалганида, ҳозир унинг қиймати беш—етти минг фунт стерлинг (6—9 минг доллар) атрофида бўларди. Аммо автомобиль шунчалик яхши ҳолатда сақланганки, унинг прогноз қилинаётган нархи 45—55 минг фунт (55—68 минг доллар)га тенг.
Асл калит барибир топилмади, бироқ автомобиль янги комплект билан бирга сотилмоқда.
Изоҳ (0)