Чирчиқ, Қибрай ва Ғазалкент аҳолиси уч кун газ таъминотидан узилиб қолди

Қибрай яқинидаги магистрал газ қувурида 8 апрель, шанба куни жиддий авария юз берди. Бу ҳақда, «Ўзтрансгаз» компаниясига асосланиб, «Новости Узбекистана» хабар бермоқда.

«Тошкентгаз таъминоти» корхонасидан «Новости Узбекистана»га маълум қилишларича, мутахассислар аварияни бартараф этиб, зарарланган бўлакни қайта тиклаб бўлган.

Қибрай ва Ғазалкентдаги уйларга газ етиб борган, Чирчиқдаги кўп қаватли уйларга эса газ етказиб бериш бўйича ишлар амалга оширилаётгани маълум қилинди.

«9 апрель куни оқшомда Чирчиқнинг 60 фоизи газ билан таъминланган эди. Бугун мутахассислар кўп қаватли уйларга газ чиқариш бўйича иш олиб бормоқда. 11 апрель куни Чирчиқда газ таъминоти тўлиқ қайта тикланиши кутилмоқда», — деди «Тошкентгаз таъминоти» бўлим бошлиғи Алишер Мирсаликов.

«Новости Узбекистана»нинг қўшимча қилишича, юз берган авария сабаблари ҳозирча номаълум.

«Дарё»нинг Telegram’даги расмий канали — @toshqindaryo’га аъзо бўлинг!