«Пахтакор»га «келиб-кетган» Алишер Усмонов, нархлар ошиши ҳақидаги «хабарларга алоқаси йўқ» GM Uzbekistan, Стокгольм теракти ижрочиси деб айтилган Раҳмат Оқилов ва куннинг бошқа муҳим хабарлари

10 апрелнинг эътиборга молик янгиликлари — «Дарё»нинг кечки дайжестида.

1. Стокгольм теракти ижрочиси гумони остида қўлга олинган Ўзбекистон фуқароси исми маълум қилинди. Айтишларича, Раҳмат Оқилов 2016 йилдаёқ Ўзбекистонга депортация қилиниши лозим бўлган.

2. GM Uzbekistan ўз автомобилларининг нархи ошиши ҳақидаги миш-мишларга «алоқаси йўқлиги»ни билдирди. «GM Uzbekistan автомобилларининг нархлари борасидаги ҳар қандай ўзгариш компаниянинг расмий вебсайти ва Facebook-саҳифаларида олдиндан хабар қилинади».

3. Стратегик ва минтақалараро тадқиқотлар институти ходимлари Тошкентда доимий пропискага қўйилиши мумкин бўлган ташкилотлар рўйхатига киритилди. Ходимлари Тошкентдан прописка олиши мумкин бўлган ташкилотлар рўйхатида жами 60 муассаса бор.

4. Ўзбекистонда долларнинг расмий курси 3650 сўмдан ошди. «Валюта қийматини белгилаш чоғида Марказий банк мазкур валюталарни ушбу қийматда сотиш ёки сотиб олиш мажбуриятини олмаган».

5. Алишер Усмонов «Пахтакор» клуби акционерига айланди. Кейин бошланди: Умид Аҳмаджонов Алишер Усмонов «Пахтакор»га акционер, ўзи клубга бош директор бўлмагани ҳақида айтди; «Пахтакор» эса ўзига тегишли бўлган хабар нотўғри эканини маълум қилди, фақат гап қайси хабар ҳақида бораётганига аниқлик киритмади.

«Дарё»нинг Telegram’даги расмий канали — @toshqindaryo’га аъзо бўлинг!