Ҳуқуқни муҳофаза қилувчи органлар томонидан Тошкент вилоятининг Янгийўл туманида босқинчилик жинояти содир этилганликда гумон қилинаётган шахслар қўлга олинди, деб хабар қилди Ички ичлар вазирлиги матбуот хизмати.
Гумондорлар сифатида Рустам Асаталиев ва унинг дўстлари — Сулейман Зейналов, Абзал Саидов ҳамда Ғофуржон Мурзахоновлар қўлга олинган.
Босқинчилар Муҳайё Абдулхаированинг уйига ғайриқонуний равишда кириб, уй эгасига ҳужум уюштириб, оёқ ва қўлларини скотч билан боғлаб, оғзини пайпоқ билан беркитиб, унинг ҳаёти ва соғлиги учун хавфли бўлган зўрлик ишлатган ҳолда пул беришини талаб қилган.
Қонунбузарлар уйда мавжуд бўлган Муҳайё Абдулхаировага тегишли қимматбаҳо тақинчоқлар, iPhone 5 ва iPhone 5S русумли телефон аппаратлари, массаж ускунаси ҳамда сейфда сақланган Муҳайё Абдулхаированинг турмуш ўртоғи Равшан Абдуладжоновга тегишли икки дона ов милтиқларини қўлга киритиб, жиноят содир этган жойидан яширинишган.
Хабар беришларича, ҳозирда ушбу ҳолат юзасидан, тергов ҳаракатлари олиб борилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)