Америка сенаторлари Сурия масаласи бўйича трибунал ташкил этиш таклифини берди

Американинг бир гуруҳ сенаторлари АҚШ Конгрессига Сурия ҳукумати томонидан содир этилгани тахмин қилинаётган ҳарбий жиноятларни халқаро тергови масаласи бўйича қонун лойиҳасини тақдим этди. Унда «гибрид» трибунал ташкил қилиш таклифи билдирилган, дея хабар бермоқда «Коммерсантъ».

«‘Гибрид трибунал’ — ҳарбий жиноятларни содир этганликда тахмин қилинаётган шахсларни, инсониятга қарши жиноят ва геноцид уюштирганларни таъқиб этиш мақсадида юристлар, судьялар ва бошқа мутахассисларни вақтинча бирлаштирувчи трибунал деганидир», — дейилади ҳужжат матнида.

Шунингдек, ҳужжатда уруш давомида содир этилган ҳарбий жинотлар учун асосий жавобгарлик Сурия раҳбарияти зиммасига юкланиши лозимлиги таъкидланган.

Ушбу қонун лойиҳаси АҚШ президентлигига собиқ номзод Марко Рубио, сенаторлар Бен Кардин, Жоан Шаин, Боб Коркер, Боб Менендез ҳамда Тодд Янг томонидан тайёрланган.

«Дарё»нинг Telegram’даги расмий канали — @toshqindaryo’га аъзо бўлинг!