АҚШнинг Сурияга берган ракета зарбаси «шундоқ ҳам путур етган» Москва ва Вашингтон муносабатларига катта талофат етказади. Бу ҳақда Тошкентдаги матбуот анжуманида Россия ташқи ишлар вазири Сергей Лавров маълум қилди, дея хабар бермоқда «Коммерсантъ».
«Ушбу иғволар қайтариб бўлмас оқибатларга олиб келмаслигига умид қиламан», — дея таъкидлади Лавров.
Вазир ракета ҳужумини олдиндан ўйланган важ асосида амалга оширилган тажовуз деб атади.
«Бу ҳолат 2003 йилда АҚШ, Буюк Британия ўзларининг баъзи иттифоқдошлари билан БМТнинг Хавфсизлик Кенгаши рухсатисиз, халқаро ҳуқуқларни қўпол бузган равишда Ироққа бостириб киришини ёдга солмоқда», — деди Сергей Лавров.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)