АҚШнинг Сурияга берган ракета зарбалари оқибатида ҳалок бўлганлар сони тўққиз нафарга етди. SANA агентлиги хабарига кўра, қурбонларнинг тўрт нафари болалардир.
АҚШ Суриянинг Шайрат аэродромига зарба берган эди; ҳалок бўлганлар ва жабрланувчиларнинг бари шу аэродром яқинидаги қишлоқларда истиқомат қилувчилардир.
7 апрелга ўтар кечаси АҚШ ҳарбий-денгиз кучларининг Ўртаер денгизидаги икки кемаси — USS Porter ва USS Ross эсминецларидан Суриянинг Хомс вилоятидаги аэродром томон 59 та «Томагавк» қаноти ракеталари учирилди.
Америка разведкаси маълумотларига кўра, Сурия раҳбарияти айнан шу аэродромдан кимёвий қуролдан фойдаланган ҳолда ҳужумлар ташкил этган.
Сурия расмийларининг қайд этишича, Шайрат аэродроми тўлиқ яроқсиз аҳволга келган. Россия президенти Владимир Путин Сурия базасига берилган Америка зарбаларини суверен мамлакатга нисбатан тажовуз ва халқаро ҳуқуқ нормаларининг бузилиши деб атади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)