Самарқанд вилояти Хотин-қизлар қўмитаси раиси ўзгарди. Бу ҳақда вилоят ҳокимлиги ахборот хизмати хабар бермоқда.
Хабар беришларича, вилоят хотин-қизлар қўмитаси бошқарувининг навбатдан ташқари йиғилиши бўлиб ўтган.
Унда Ўзбекистон Хотин-қизлар қўмитаси раиси Танзила Норбоева ва Самарқанд вилояти ҳокими Ҳиммат Оқбўтаев қатнашган.
Йиғилишда ташкилий масала кўрилган. Вилоят ҳокими ўринбосари, хотин-қизлар қўмитаси раиси Нигора Раббимова ўз аризасига кўра лавозимидан озод этилган.
Мазкур вазифага Олий Мажлис Қонунчилик палатаси депутати сифатида фаолият кўрсатиб келаётган Марҳабо Ғафурова номзоди таклиф этилиб, бошқарув аъзолари томонидан маъқулланган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)