6 апрелнинг эътиборга молик янгиликлари — «Дарё»нинг кечки дайжестида.
1. Ҳарбий хизматни ўтаган абитуриентлар кириш имтиҳонларида ўзлари тўплаган баллнинг 50 фоизи миқдорида қўшимча баллга эга бўлади. Собиқ аскар 100 балл тўпласа, 50 балл қўшиб берилади. 50 балл тўпласа — 25 балл қўшимча!
2. Петербург метросидаги терактдан сўнг Ўзбекистон ИИВ раҳбарияти Тошкент метрополитени бекатларини назоратдан ўтказди. Россиянинг шимолий пойтахти метросида 3 апрель куни юз берган теракт оқибатида 14 киши ҳалок бўлган эди.
3. Ижтимоий сўров: Ўзбекистон фуқароларининг 83,5 фоизи Ҳаракатлар стратегиясини қўллаб-қувватлайди. Аҳолининг фикрича, мазкур ҳужжат жамият ҳаётининг барча соҳаларини эркинлаштиришга хизмат қилади.
4. Артур Таймазов Пекин—2008 Олимпиадаси чемпионлигидан маҳрум этилди. Курашчининг допинг намуналаридан тақиқланган модда топилган. Орадан қарийб тўққиз йил ўтиб.
5. Ўзбекистон ФИФА рейтингида 3 поғона кўтарилиб, Россияни ортда қолдирди. Бразилия 7 йил деганда пешқадам бўлди. Ваҳоланки, март ойида Ўзбекистон миллий терма жамоаси Сурияга мағлуб бўлган эди (тан олиш керак, Қатарни мағлуб ҳам этди).
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)