Ўзбекистон Ташқи ишлар вазирлигида Тошкентга МДҲ ТИVKнинг навбатдаги йиғилишида иштирок этиш учун келган Озарбайжон ташқи ишлар вазири ўринбосари Халаф Халафов бошчилигидаги делегация билан 6 апрель куни учрашув бўлиб ўтди. Бу ҳақда Ўзбекистон ТИВ матбуот хизмати хабар бермоқда.
Учрашувда Ўзбекистон ва Озарбайжоннинг сиёсий, савдо-иқтисодий, маданий-гуманитар ва бошқа ўзаро манфаатли соҳалардаги муносабатларининг ҳозирги ҳолати ва истиқболлари муҳокама қилинди. Шунингдек, БМТ ва МДҲ каби халқаро ва минтақавий ташкилотлар доирасида ўзаро ҳамкорлик масаласига алоҳида эътибор қаратилди.
Ҳамкорликни янада ривожлантириш, аввало, савдо-иқтисодий соҳада кенгайтиришдан томонлар манфаатдор эканлиги таъкидланди ва икки мамлакат ишбилармон доиралари алоқаларини кучайтириш, етказиб бериладиган товарлар номенклатурасини бойитиш ҳақида сўз юритилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)