Ўзбекистон Мустақил Давлатлар Ҳамдўстлиги мамлакатлари билан ҳамкорликни изчил ривожлантирмоқда. Шу кунларда Тошкентда МДҲ Ташқи ишлар вазирлари кенгашининг навбатдаги мажлиси бўлиб ўтмоқда.
Шу муносабат билан, Тошкентда ташриф билан бўлиб турган МДҲ Ижроия қўмитаси раиси — Ижрочи котиби Сергей Лебедев бу ҳақда ЎзА мухбирига интервью берди.
Ўзбекистон МДҲда муҳим ўрин тутади. Ўзбекистоннинг Биринчи Президенти Ислом Каримов тузилма фаолиятини такомиллаштириш, минтақавий хавфсизликни мустаҳкамлаш, давлатлараро ҳамкорликни ривожлантиришга улкан ҳисса қўшди. Бугунги кунда Президент Шавкат Мирзиёев олиб бораётган ташқи сиёсат ҳам минтақамиз учун муҳим аҳамият касб этмоқда. Ўзбекистон Президенти илк давлат ташрифларини Туркманистон, Қозоғистон ва Россияга амалга оширгани мамлакатингиз ташқи сиёсатда яхши қўшничилик муносабатларига алоҳида эътибор қаратаётганини яққол исботидир.«Дарё»нинг Telegram’даги расмий канали — @toshqindaryo’га аъзо бўлинг!Президент Шавкат Мирзиёев билан учрашганимдан ғоят хурсандман. Суҳбатимиз кенг қамровли ва жуда мазмунли бўлди. МДҲ Ташқи ишлар вазирлари кенгаши мажлисини ўтказиш учун яратилган ажойиб имкониятлардан миннатдормиз.
Иштирокчи давлатлар ва МДҲ Ижроия қўмитаси вакилларининг Келишув мажлиси муваффақиятли ўтди. Ташқи ишлар вазирлари кенгашининг мажлиси кун тартибига 16 ҳужжат лойиҳаси киритилган. Улар Ҳамдўстлик мамлакатларининг сиёсий, савдо-иқтисодий, ҳуқуқий, маданий-гуманитар ва бошқа соҳалардаги ҳамкорлигини ривожлантириш, минтақавий хавфсизликни мустаҳкамлаш, жиноятчиликка қарши курашиш масалаларига қаратилган.
Ташқи ишлар вазирлари кенгашининг Тошкентдаги мажлиси МДҲ доирасидаги алоқалар ривожида муҳим воқеа бўлишига ишонаман. Ўзбекистон халқига янада тараққиёт, бахт ва фаровонлик тилайман.
Сергей Лебедев, МДҲ Ижроия қўмитаси раиси — Ижрочи котиби
Изоҳ (0)