Миср ҳукумати ИШИД террорчилик гуруҳининг Синай ярим ороли шимолида фаолият олиб борувчи ячейкаси асосчиларидан бири йўқ қилинганини расман тасдиқлади, деб ёзади «Газета.ru».
Бу ҳақда мамлакат қуролли кучлари расмий вакили полковник Тамер ар-Рифаий маълум қилди.
«Ҳарбий-ҳаво кучлари томонидан 18 март куни Синайдаги жангарилар жойлашган нуқталар бомбардимон қилиниши натижасида 18 нафар жангари, шу жумладан, ИШИДнинг Мисрдаги ячейкаси бошлиқларидан бири, саварка қабиласи вакили, кўпроқ Абу Анас ал-Ансорий номи билан машҳур бўлган Салим Силми ал-Ҳамадин йўқ қилинди», — деди у.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)