ИШИД гуруҳи етакчиси Абу Бакр ал-Бағдодий ҳукумат кучлари томонидан қуршаб олинган Мосулда бўлиши мумкин. Бу ҳақда «РИА Новости» хабар бермоқда.
Агентлик манбасига кўра, террорчилар 10 кун аввал 40 та йўлтанламасда бир неча танк кўмагида тўсатдан Суриядан Ироқнинг Мосул йўлидаги Талл-Афар манзили томонига йўл олган.
«Улар Талл-Афар қуршовга олинган ишидчиларни қутқариш, сўнг куч тўплаб Мосул қамалини ёриб ўтишга ҳаракат қилди. Барчалари шиа кўнгиллилари томонидан йўқ қилинди. Бундай уринишлар ё Мосулда қолган жангариларни олиб чиқиш ёки етакчилари Абу Бакр ал-Бағдодийни эвакуация қилиш билан боғлиқ бўлиши мумкин. Биз унинг шу ерда бўлиши мумкинлигини истисно этмаймиз», — дея таъкидлаган манба.
Манба ал-Бағдодий коалиция авиациясининг март ойида Сурия ва Ироқ чегарасидаги ҳужумларидан бири давомида жароҳат олган бўлиши ҳам мумкинлигини билдирди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)