Санкт-Петербургда шаҳар транспортининг барча йўналишларига одамларни бепул ташиш ҳақида кўрсатма берилди. Бу ҳақда, «Фонтанка»га асосланиб, Meduza хабар бермоқда.
Хабар беришларича, мазкур кўрсатма 3 апрель охиригача амалда бўлади.
Uber такси хизмати ҳодиса яқинида бўлган барча петербургликларга бепул хизмат кўрсатишга тайёрлигини маълум қилди.
«Яндекс» компанияси эса «Яндекс.Такси» бўйича Петербургдаги барча ҳамкорларидан «имкон қадар кўпроқ автомобилларни йўлга чиқариш» ҳақида илтимос қилган.
Санкт-Петербург метроси 3 апрель, душанба куни «Сенная плошчад» ва «Технологический институт» бекатлари оралиғида юз берган теракт сабабли ёпилди. Дастлабки маълумотларга кўра, ҳодиса оқибатида камида 10 киши ҳалок бўлган, 50 га яқин одам жароҳатланган.
Россия Бош прокуратураси Санкт-Петербург метросида юз берган портлашни теракт деб атади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)