3 апрель куни портлаш юз берган Санкт-Петербург метросидан йўловчиларни эвакуация қилиш жараёни якунига етди. Бу ҳақда, Meduza’нинг ёзишича, Миллий аксилтеррор қўмитаси (МАҚ) маълум қилган.
«Эвакуация жараёни амалда якунига етди, жабрланувчиларга ёрдам кўрсатилмоқда», — деди МАҚ вакили Александр Пржездомский.
Дастлабки маълумотларга кўра, портлаш метронинг «кўк» йўналишдаги «Сенная плошчад» ва «Технологический институт» бекатлари оралиғида юз берган. Шаҳар маъмурияти ахборотига кўра, ҳодиса оқибатида камида 10 киши ҳалок бўлган, 50 киши жароҳатланган.
Портлашдан сўнг Санкт-Петербург метросининг барча бекатлари ёпилди.
Мавзуга доир: Путин теракт эҳтимолини Санкт-Петербург метросида юз берган портлашнинг асосий версияси дея атади
Изоҳ (0)