Наманган вилоятининг Янгиқўрғон туманида навбатдаги меҳнат ярмаркаси туман ҳокимлиги қаршисидаги марказий майдонда ўтказилди. Бу ҳақда туман ҳокимлиги ахборот хизмати хабар бермоқда.
Ярмаркада туман ҳудудида жойлашган 70 га яқин корхона ва ташкилот, хусусий фирма ва фермер хўжаликлари ўзларида мавжуд бўш иш ўринлари билан иштирок этди. Тадбирга 800 дан ортиқ фуқаро келди, уларнинг аксариятини ёшлар ташкил этди.
Меҳнат ярмаркасида тумандаги касб-ҳунар коллежи битирувчилари билан 183 та тўрт томонлама шартномалар тузилди, ўнлаб фуқаро ишга йўлланмага эга бўлди.
Тадбир давомида тижорат банклари томонидан ёшларга кредит олиш, ўз бизнесларини бошлаш борасида тушунча ва тавсиялар берилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)