Namangan viloyatining Yangiqo‘rg‘on tumanida navbatdagi mehnat yarmarkasi tuman hokimligi qarshisidagi markaziy maydonda o‘tkazildi. Bu haqda tuman hokimligi axborot xizmati xabar bermoqda.
Yarmarkada tuman hududida joylashgan 70 ga yaqin korxona va tashkilot, xususiy firma va fermer xo‘jaliklari o‘zlarida mavjud bo‘sh ish o‘rinlari bilan ishtirok etdi. Tadbirga 800 dan ortiq fuqaro keldi, ularning aksariyatini yoshlar tashkil etdi.
Mehnat yarmarkasida tumandagi kasb-hunar kolleji bitiruvchilari bilan 183 ta to‘rt tomonlama shartnomalar tuzildi, o‘nlab fuqaro ishga yo‘llanmaga ega bo‘ldi.
Tadbir davomida tijorat banklari tomonidan yoshlarga kredit olish, o‘z bizneslarini boshlash borasida tushuncha va tavsiyalar berildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)