Сирдарё вилоятининг Янгиер шаҳрида «Халқ билан мулоқот ва инсон манфаатлари йили» Давлат дастурида белгиланган вазифалар ижроси доирасида шаҳардаги 950 хонадоннинг турмуш шароити ўрганилди. Бу ҳақда ЎзА хабар бермоқда.
Улар томонидан кўтарилган масалаларни жойида бартараф этиш чоралари кўрилди. Туман ички ишлар бўлимида муқаддам судланган шахс сифатида профилактик ҳисобда турган 42 ва оиласида мунтазам муаммолар бўладиган 12 киши билан якка тартибда суҳбат ўтказилди.
Содир этилган ҳар бир жиноят ва ҳуқуқбузарлик аҳоли ўртасида муҳокама қилинмоқда. Профилактика куни жорий этилгандан буён ҳисобда турган шахслар ва уларнинг оила аъзолари билан суҳбат, таълим муассасаларида «Давомат» тадбирлари ўтказилди, 2 минг 137 оиладаги муҳит ўрганилди. 14 паспорт-виза, битта доимий ёки вақтинча яшаш қоидалари бузилган ҳолат аниқланиб, тегишли тартибда чоралар кўрилди.30 мартда бўлиб ўтган навбатдаги профилактика куни «Шодлик», «Маърифат», «Обод юрт» ва Абдураҳмон Жомий номидаги маҳалла фуқаролар йиғинларида масъул ташкилотлар вакиллари иштирокида аҳоли билан очиқ мулоқотлар ўтказилди. Фуқаролар мурожаатларини ҳеч қандай тўсиқларсиз кўриб чиқиш, мавжуд муаммо ва ижтимоий-ҳуқуқий масалаларда аҳолига яқиндан ёрдам кўрсатиш мақсадида сайёр қабуллар ташкил этилди.Д.Усмонов, Янгиер шаҳар ички ишлар бўлими бошлиғи, майор
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)