Болтиқ аномалияси
Болтиқ денгизи тубида аниқланган сирли объект кўплаб мутахассисларни мамнун қилди. Ғаройиб объектга экспедицияни яқиндагина ташкил қилишга муваффақ бўлишди. Объектнинг яқин масофадан олинган илк суратларини ҳам кўрсатишди: аммо у қачондир ҳавога кўтарилганга ўхшамасди. Объект «учар ликопча» эмас, кўпроқ аллақандай иншоотни эслатарди. Шунга қарамай, «Болтиқ НУЖи»дан ён томонга қараб тахминан 300 метр масофагача худди аварияли қўниш изига ўхшаган эгатча чиққан.Баъзилар Болтиқ аномалияси Музлик давридан қолган ўзга сайёраликлар артефакти деб ҳисоблайди, бошқалар эса уни нацистларнинг сув ости кемаларига қарши қурилмаси деб тахмин қилади. Шуниси ҳайратланарлики, барча электроника бу объектдан 650 метр радиусда ишламай қолади.
Улкан кальмар
Узоқ вақт давомида улкан кальмарлар шунчаки матросларнинг уйдирмаси деб ҳисобланган. Аммо илк тирик кальмар 2012 йил июлида камерага муҳрланган эди: унинг узунлиги 13 метрга, оғирлиги ярим тоннага етарди.Ктулху овози
1997 йилда АҚШ Океан ва атмосфера муаммолари бўйича миллий бошқарма гидрофонлари Жанубий Американинг жанубий қирғоқларида дунёда қайд этилган энг баланд товушлардан бирини ёзиб олди.Bloop деб аталган товуш бир-биридан 4800 км масофадаги иккита гидрофон орқали ёзиб олинган. У денгиз жонивори товушини эслатарди, бироқ товуш шунчалик баланд эдики, уни фанга маълум денгиз ҳайвони чиқарган бўлиши мумкин эмасди.
Қулайлик учун олимлар товушга «Ктулху овози» деб ном берди, ким билсин, балки ҳақиқатан ҳам Лавкрафт китобидаги қўрқинчли махлуқ уйғонгандир.
Ғойиб бўлган субмариналар
1968 йилда Россия, АҚШ, Исроил ва Франция бир вақтнинг ўзида ўз субмариналарини йўқотди. Сувости кемалари жойлашган майдонлар қайта-қайта текширилса-да, қидирувлар натижа бермади.Денгиз қаъридаги фотосинтез
Океан тубида қуёш нури бўлиши мумкин эмас, аммо баъзи бектериялар гидротермал кратерлар яқинида фотосинтезланиш ва ўзи учун озуқа ишлаб чиқариш учун хира қизил ёруғликни қўллайди.Манба: «Dnpmag.com»
Изоҳ (0)