АҚШ Давлат департаментининг 60 ёшли ходимаси Кэндес Клейборн Хитой ташқи разведкаси билан алоқаларини яширганликда айбланмоқда. Бу ҳақда «Ведомости» хабар бермоқда.
Прокуратурага кўра, Хитой разведкаси жосуслари Клейборнга ўн минглаб доллар турадиган совғалар ҳадя этган, эвазига эса АҚШнинг Хитойга нисбатан иқтисодий сиёсати ҳақидаги дипломатик ахборот ва маълумотлар олган.
Вашингтон судида Давлат департаменти ходимига суд жараёнига тўсқинлик қилишга уриниш ва Федерал қидирув бюросига ёлғон кўрсатмалар берганлик айблари илгари сурилди.
Мазкур иш бўйича дастлабки эшитувлар 18 апрелга белгиланди. Унгача Клейборн уй қамоғида бўлади.
Тергов тахминига кўра, Давлат департаменти ходими ва унинг номи ошкор этилмаган шериги 2011 йилдан бери ҳадялар олиб келган. Улар пул ўтказмалари, тикув машинаси, маржонлар, Хитой модалар мактабидаги ўқиш ва Таиланддаги таътилнинг тўлаб берилиши кўринишида бўлган.
Эслатиб ўтамиз, олдинроқ АҚШнинг Афғонистондаги элчихонасида наркотиклар сақлагани ва истеъмол қилгани учун 6 киши лавозимидан четлатилгани билдирилганди.
Изоҳ (0)