КХДР яқин орада янги турдаги ядро қурилмаси синовини ўтказиши мумкин. Бу ҳақда Жанубий Корея штаб бошлиқлари қўмитаси расмий вакили Но Чже Чхон маълум қилди, дея хабар беради «ТАСС».
«Ҳарбийларимиз америкалик ҳамкасблари билан ҳамкорликда Шимолнинг ҳаракатларини синчиклаб кузатиб бормоқда. Пхеньян бу гал олдинлари тажриба қилиб кўрилганларидан ўзгача ядро қурилмаси синовини ўтказиши эҳтимолдан ходи эмас», — дея таъкидлади расмий вакил.
КХДР шимолидаги Пунгё-ри полигонининг сунъий йўлдош ёрдамида олинган суратларини таҳлил қилган 38 North портали (АҚШ) мутахассислари ҳам Шимолий Корея навбатдаги, олтинчи ядро синовига тайёргалик кўраётганини тахмин қилди.
Маълумот учун, Шимолий Корея 2006, 2009, 2013 ва 2016 йилларда 5 маротаба атом синовини ўтказган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)