АҚШнинг Афғонистон пойтахтидаги элчихонасида наркотиклар сақлагани ва истеъмол қилгани учун 6 киши лавозимидан четлатилди. Бу ҳақда Давлат департаменти вакилига таяниб, AP маълум қилди, дея хабар беради «ТАСС».
Агентликка кўра, гап 2 дипломат ва элчихонада шартнома асосида ишлаган 4 нафар ходим ҳақида кетмоқда.
Мазкур ҳолат юқоридаги ходимларнинг ўз вазифаларини талаб даражасида бажармаганлиги юзасидан олиб борилган текширув давомида аниқланди.
Элчихона ходимлари қандай наркотикларни сақлагани ёки истеъмол қилгани ҳақида маълумот берилмаган.