Ошхонада асқотадиган фойдали маслаҳатлар

Мақолада уй бекалари учун ошхонада қўл келиши мумкин бўлган тавсиялар билан ўртоқлашамиз.

• Тухумнинг оқини унинг икки томонидан игна билан тешиб ажратиб олса бўлади. Тухумнинг сариғи эса унинг ичида қолади.
• Пўсти билан қайнатилган картошка ёрилмасин десангиз, уни бир-икки жойидан тешинг.
• Қовурилган картошканинг таъмини яхшилаш учун унга 1 чой қошиқ хантал қўшинг.
• Парранда гўштини қовуришда тайёр бўлишидан бироз олдин тузли сув сепсангиз янада мазали бўлади.
• Музлатилган балиқни тезроқ эритмоқчи бўлсангиз, пластик пакетдаги илиқ сувга солиб қўйинг.
• Тўйимлилиги ва таъмини сақлаб қолиш учун ловия қайнаб чиққанидан кейин сувини тўкиб яна бошқа сув ва ўсимлик ёғи солиб қайнатинг.
• Балиқ бўлаклари ёйилиб кетмаслиги учун қовуришдан олдин туз сепинг, унга яхшилаб белаб олинг ва қизиган ёғга солинг.
• Арчилган олмалар қораймасин десангиз, уларни тузли совуқ сувга солиб қўйинг.
• Кўпчиган хамир янада ошиб кетмаслиги учун қоғозни ҳўллаб силкитиб ташланг ва хамирни ўраб қўйинг.
• Қайладаги қаймоқ юмалоқланиб қолмасин десангиз, ишлатишдан олдин уни озроқ сут солиб суюлтиринг.
• Олдиндан совитилган тухум оқи яхши кўпиради. Сариғини эса ишлатишдан олдин сал иситиб олинг.
• Лимон кислотаси гуручни оппоқ ва дона-дона қилади.
• Хамирнинг ичидаги майизлар бир текисда жойлашиши учун, ишлатишдан олдин уни иссиқ сувда ювинг ва ун сепинг.
• Манкани тайёрлашдан олдин бир неча марта ювсангиз пиширишда юмалоқ бўлиб қолмайди.
• Балиқнинг тангачаларини сув тагида тозалаш осонроқ.
• Яхши пишмайдиган гўштни шўр сув, квас, сирка ёқи қатиқ солиб ивитиб қўйсангиз юмшоқ бўлиб пишади.
• Қовуришдан олдин хом гўштга ўсимлик ёғи суриб қўйсангиз чиройли бўлиб пишади.