Исроил ва Фаластин ўртасидаги Яқин Шарқ низосини ҳал қилиш бўйича ҳаракатларни давом эттириш керак, «икки давлат» тамойили ўрнини босувчи оқилона муқобил вариант йўқ. Бу ҳақда Германия канцлери Ангела Меркель Фаластин етакчиси Маҳмуд Аббос билан музокаралар олдидан айтиб ўтди, деб ёзади «ТАСС».
«Мен шу нарсани яққол билдирмоқчиманки, биз Яқин Шарқ низосини икки давлат тамойили асосида ҳал қилиш масаласи бўйича ижобий динамикага муҳтожмиз, — деди у. — Мен икки давлат асосидаги ечимга эришиш бўйича мақсаднинг оқилона муқобилини кўрмаяпман».
Унинг сўзларига кўра, Исроилнинг Фаластин ҳудудларидаги кўчманчилик фаолияти тартибга солиш йўлидаги «тўсиқ бўлиб ҳисобланади».
Аббос, ўз навбатида, Исроил томонидан олиб борилаётган Фаластин ҳудудларида манзилгоҳлар қуриш сиёсати «мамлакатни вайрон қилаётгани»ни айтди. Унинг таъкидлашича, Фаластин яҳудий мамлакати билан низони сиёсий тартибга солиши керак. Шу билан биргаликда, у қарор давлатларнинг 1967 йил июнида белгиланган чегараларини ҳисобга олиб қабул қилинишини талаб қилмоқда.
Изоҳ (0)