Нью-Йорк штати губернатори Эндрю Куомо маъмурияти АҚШ президенти Дональд Трампнинг мамлакат ҳудудига киришни чеклаш тўғрисидаги фармонларидан жабр кўрган муҳожирларга ёрдам кўрсатиш бўйича комплекс чора-тадбирларни ишга туширди.
«Коммерсантъ» хабарига кўра, штат мазкур тадбирлар учун 182 та юридик ташкилотни жалб этган бўлиб, уларнинг фаолиятини Янги америкаликлар масалалари бўйича бошқарма мувофиқлаштириб туради.
Штат раҳбарияти баёнотига кўра, ҳозирда дастурга кўнгилли равишда 200 га яқин ҳуқуқшунос қўшилган. Улар орасида прокурорлар ҳам, адвокатлар ҳам бор. Муҳожирлар «ўз ҳуқуқлари ҳақида тўлароқ маълумот олишлари, шунингдек, ўз манфаатларининг нисбатан яхшироқ ҳимоя қилинишига эришишлари» кутилмоқда.
Нью-Йорк штати маъмурияти дастур қийматини 19,1 миллион долларга баҳолаган бўлиб, зарур маблағлар ҳудудий бюджет ва хусусий манбалардан жалб этилади.
«Нью-Йорк — бу барча учун умид ва имкониятлар оролидир, муҳожирлар эса ҳар доим бу буюк штатнинг бир бўлаги бўлиб келган. Ҳозирги нотинч замонда ўз ҳуқуқларингни ҳимоя қилиш олиш имконига эга бўлишинг жуда ҳам муҳим», — деди штат раҳбари Эндрю Куомо.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)