ИШИД террорчилик гуруҳи Россия миллий гвардиясининг Чеченистондаги қисмлари ҳудудига қилинган ҳужум учун жавобгарликни ўз бўйнига олди, деб ёзади «Газета.ru». Бу ҳақда жангарилар фаолиятини мониторинг қилиш билан шуғулланувчи SITE Intelligence Group маълум қилди.
«ИШИДнинг Кавказ бўлинмаси олти киши иштирокида Россия миллий гвардиясининг Чеченистондаги базасига ҳужум уюштирганини, камида олти ҳарбийни ўлдириб, яна уч кишини яралаганини маълум қилди», — дейилади хабарда.
Аввалроқ Чеченистон раҳбари Рамзан Қодиров Росгвардия ҳарбий қисмига ҳужумда йўқ қилинган жангариларнинг шахслари аниқланганини айтган эди.
24 мартга ўтар кечаси жангарилар Росгвардия ҳарбий қисмига ҳужум уюштирди. Олти жангарининг барчаси йўқ қилинди, аммо операция чоғида олти ҳарбий хизматчи ҳалок бўлди, яна уч нафари яраланди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)