Дональд Туск: Европа Иттифоқи ё бирдам бўлади, ёки умуман бўлмайди

Европа Кенгаши раиси Дональд Тускнинг айтишича, Европа Иттифоқи ёки бирдам бўлади, ёки умуман бўлмайди.

Унинг фикрича, Европа Иттифоқи фақат бирлашган ҳолдагина жаҳон майдонида мустақил фикр билдира олади, дея хабар бермоқда «Газета.ru».

«Айтингчи, нега бугун биз иттифоқнинг мақсадига бўлган ишончни йўқотишимиз керак? Бу бизнинг ҳақиқатимизга айланиб кетгани учунми, ёки бундан зерикканимиз, чарчаганимиз учунми? Биз бирдам бўламиз, ёки биз умуман бўлмаймиз. Фақатгина бирлашган Европа дунёнинг бошқа мамлакатлари билан мустақил муносабат ўрната олади», — дея таъкидлади Туск.

Шунингдек, Туск умрининг ярмидан кўпини «темир парда» ортида ўтказганини эслатиб ўтди. «Бу икки хил тезликда ҳаракат қилаётган Европа эди», — дея қўшимча қилди у, Европа мамлакатларининг ярми ўз вақтида коммунистик байроқ остида ҳаёт кечирганини ёдга олиб.

«Дарё»нинг Telegram’даги расмий канали — @toshqindaryo’га аъзо бўлинг!