Ишлаб чиқариш учун энг кўп харажат талаб қиладиган озиқ-овқат маҳсулотлари аниқланди

Илмий журналист Марта Зараска ишлаб чиқариш учун беҳудага кўп ресурслар, аввало кўп сув сарфланадиган еттита озиқ-овқат маҳсулотларини санаб ўтди. Бу ҳақда New Scientific нашри маълум қилди.

Бундай маҳсулотларнинг юқори учлигига мол гўшти, креветка (майда қисқичбақа) ва ёнғоқлар кирди. Бир килограмм мол гўштини ишлаб чиқаришга тахминан 15 минг литр сув кетади, бу товуқ гўштига сарфланадиган сувдан уч марта, буғдойга сарфланадигандан эса 18 марта кўпроқ.

Креветка рўйхатга киритилишига сабаб — бир килограмм тайёр креветка гўштини олишга шундан 25 марта кўпроқ емиш талаб қилинади. Ёнғоқларни етиштириш ҳам мол гўшти каби кўп сув талаб этади. Масалан, Калифорнияда одам ишлатадиган сув ресурсларининг ўн фоизи бодом ишлаб чиқаришга кетади.

Рўйхатдаги қолган ўринларни фри-картошка (озиқ-овқат чиқиндиларининг асосий манбаларидан бири), қаҳва (бир финжон қаҳвани ишлаб чиқаришга 550 финжон сув кетади), банан (уларни етиштириш учун жуда кўп азот, фосфор ва калий ўғитлари ишлатилади) ва шоколад (100 грамм плитка шоколад учун икки минг литр сув сарфланади) эгаллади.