Туркия Суриянинг Раққа шаҳрини ИШИД террорчилик ташкилотидан озод қилиш бўйича операцияга унда фақат Сурия мўътадил мухолифати қатнашиши ва суриялик курдларнинг иштирок этмаслиги шарти билан қўшилади. «РИА Новости» хабарига кўра, бу ҳақда Туркия бош вазири ўринбосари Нуман Куртулмуш маълум қилган.
«Раққа шу шаҳар аҳолисига тегишли. Агар операция халқаро коалиция ва мўътадил мухолифатнинг кўмаги билан ташкил этиса, Туркия ҳам унда қатнашади. Агар Раққани озод қилишга PYD ҳам жалб этилса, Туркия бу операцияда иштирок этмайди», — деди Куртулмуш.
PYD — Суриядаги курдларнинг Демократик иттифоқ партияси бўлиб, расмий Анқара уни фаолияти Туркияда тақиқланган Курдистон ишчи партияси билан алоқадор террорчилик ташкилоти, деб ҳисоблайди.
Куртулмушнинг сўзларига кўра, Раққа аҳолисининг 95 фоизини араблар ташкил этади ва уни ИШИДдан озод қилиб, унинг ўрнига бошқа террорчи ташкилотнинг киришига йўл қўйиб бўлмайди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)