АҚШ Давлат департаменти Американинг барча элчихоналари ва консулхоналари ходимларига виза сўраб мурожаат қилган шахслар ичида экстремистларга алоқадорликда гумон қилинаётган ёки ИШИД террорчилик гуруҳи назорати остидаги ҳудудларда бўлган кишиларнинг ижтимоий тармоқлардаги аккаунтларини текширишни буюрди. Бу ҳақда «ТАСС» хабар бермоқда.
Давлат департаменти дипломатик миссияларга, шунингдек, бир-биридан мустақил равишда виза беришда қандай гуруҳдаги кишиларни алоҳида пухталик билан текшириш кераклиги ҳақида ўз тавсияларини тақдим этишни юклади.
Вашингтон 17 март куни Америка дипломатик ваколатхоналарига юборган ҳужжатларда қайд этилишича, ушбу чоралар АҚШ президенти Дональд Трампнинг мамлакатга кириш билан боғлиқ қоидаларни қатъийлаштириш қарорига алоқадор.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)