Austral авиакомпаниясига қарашли йўловчи самолёт Аргентинанинг Ла-Риоха шаҳри аэропортига бир неча дақиқа давомида қўнишни амалга ошира олмади. Аэропорт авиадиспетчерлариннг ухлаб қолганлиги сабабли учувчи аэропорт билан алоқа ўрната олмаган. Натижада самолёт тахминан саккиз дақиқа давомида қўниш йўлаги атрофида учиб юришга мажбур бўлди. Бу ҳақда TJournal хабар берди.
Учувчининг сўзларига кўра, у тахминан саккиз дақиқа давомида операторлар билан алоқа ўрнатишга ҳаракат қилган. Шундан сўнг учувчи йўловчиларни диспетчерлар алоқага чиқмаётганлиги сабабли қўнишнинг кечикиши ҳақида огоҳлантирган. Учувчининг таъкидлашича, операторлар алоқага чиққанидан сўнг ҳам унга қўниш бўйича аниқ кўрсатма бера олмаган.
Аэропорт вакили ўз ҳамкасбларини ҳимоя қилди ва «агар самолёт белгиланган вақтдан олдин етиб келса, бу авиакомпаниянинг муаммоси эканлиги»ни айтди. Унинг таъкидлашича, диспетчерлар кеча-ю кундуз ишламайди, шунинг учун улар биринчи рейс етиб келишидан бир соат олдин ишга етиб келишга мажбур эмас.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)