Антверпенда оломон устига автомобилни ҳайдаб боришга уринган шахс қўлга олинди, дея хабар бермоқда Meduza.
Gazet Van Antwerpen газетасининг ёзишича, полициячилар светофорнинг қизил чироғига ҳаракатланган машинани тўхтатган ва улар ҳайдовчи автомобилни пиёдалар кўчасидаги оломон устига ҳайдаб бориш ниятида бўлган, деб ҳисобламоқда.
Машинадан қурол топилган, бироқ айнан қандай қурол топилганига аниқлик киритилмаган. Ҳайдовчи автомобилни катта тезликда бошқарган, жабрланувчилар ҳақида ахборот йўқ.
Дастлабки маълумотларга кўра, қўлга олинган шахс Шимолий Африкадан бўлиб, радикал кайфиятдаги диний ақидапараст бўлиб чиққан. Тўхтатилган автомобилнинг давлат рақам белгилари Францияники бўлган.
Ҳодиса ҳақида бошқа ҳеч қандай маълумот йўқ.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)