Ахборот технологиялари ва коммуникацияларини ривожлантириш, Меҳнат, Олий ва ўрта махсус таълим вазирликлари ҳамкорлигида Қорақалпоғистон Республикаси, вилоятлар ва Тошкент шаҳрида 24 март куни «Ахборот технологиялари ва коммуникацияларини ривожлантириш соҳасида меҳнат ярмаркалари» ташкил этилади. Бу ҳақда «Дарё»га Меҳнат вазирлиги ахборот хизмати маълум қилди.
Ярмарка давомида ўз бизнесини бошлаш истагида бўлганларга мавжуд солиқ имтиёзлари билан таништириш ҳамда тегишли кредитлар ажратилишида яқиндан кўмаклашиш учун солиқ органлари ва тижорат банклари томонидан бевосита тадбир жойида амалий ёрдам кўрсатилиши белгиланган.
Меҳнат ярмаркаларида Муҳаммад ал-Хоразмий номидаги Тошкент ахборот технологиялари университетининг 2,4 минг нафар, ахборот технологиялари ва коммуникацияларини ривожлантириш соҳасига бириктирилган касб-ҳунар коллежларининг 22 минг нафар битирувчиси иштирок этиши кўзда тутилган.
Тадбирлар соат 10:00 да бошланади.
Изоҳ (0)