The Guardian нашри Россиядан 740 милллион долларга яқин маблағ пулларни «ювиш» схемаси доирасида Британия банклари орқали ўтганлигини таъкидламоқда, деб ёзади «Коммерсантъ».
Нашр «Глобал кирхона» деб атаган схемага Буюк Британиянинг 17 та кредит ташкилоти ёки у ерда филиалларига эга бўлган йирик банклар, жумладан, HSBC, Royal Bank of Scotland, LLoyds ва Barclays кабилар жалб этилган.
Газета томонидан қўлга киритилган ҳужжатларга кўра, ушбу схема доирасида 2010—2014 йилларда Россиядан 20 миллиард долларга яқин пуллар чиқариб кетилган. Бироқ мазкур иш устида 2014 йилдан буён иш олиб бораётган тергов маълумотига кўра, «ювилган» пулларнинг умумий миқдори 80 миллиард долларга етиши мумкин.
Нашрнинг суриштирув билан боғлиқ манбаси маълум қилишича, пуллар ёки ўғирланган ёки криминал йўл билан кирган. Схемага 500 га яқин одам, жумладан, олигархлар, москвалик банкирлар, шунингдек, Федерал хавфсизлик хизматига алоқадор ёки унда ишловчи кишилар жалб этилган.
Изоҳ (0)