Қоҳирадан топилган 8 метрлик ҳайкал Рамзес II га эмас, бошқа фиръавнга тегишли. Бу ҳақда Миср қадимий ашёлар вазири Холид ал-Ананий маълум қилди, дея хабар беради «ТАСС».
Вазирга кўра, топилмада аниқланган иероглифлар ҳайкал фиръавнларнинг 26-сулоласига мансуб Псамметих I шарафига тикланганини кўрсатмоқда. Фиръавн шахсини аниқ белгилаш мақсадида ёдгорликни ўрганиш давом эттирилади.
«Саис сулоласи» деб ҳам аталадиган ва биринчи вакили 54 йил ҳукмронлик қилган Псамметих I бўлган сулола Рамзес II дан кейинги даврларга мансуб.
Тарихчилар мазкур сулола ҳукм сурган йилларни Миср тамаддунининг сўнгги мустақил ўсиш даври сифатида баҳолайди ва бу даврни «Саис уйғониши» деб атайди.
Фиръавн Псамметих I нубияликлар, оссурияликлар ва коҳинларнинг бир қисми ҳукмронлигига чек қўйиб, давлатнинг аввалги шон-шуҳратини тиклагани билан ном қозонган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)