«Божалар» гуруҳи хонандалари билан 2009 йилда содир бўлган мудҳиш ҳодиса оқибатида Мўмин Орипов 25 ёшида ҳаётдан кўз юмган эди, деб ёзади «Darakchi.uz».
«Мазкур нохуш воқеа 28-дан 29 июнга ўтар кечаси Сурхондарё вилоятида юз берган. Бугун у тирик бўлганида 33 ёшни қарши олган бўларди... У орамизда йўқлигига ҳам 8 йил бўлибди», — дейилади хабарда.
Ушбу сана муносабати билан Камола Орипова турмуш ўртоғини ёдга олди:
«2005 йил февраль ойлари эди. ‘Божалар’ гуруҳи кунига иккита сеансдан Тошкент шаҳар ИИББнинг залида дўстлари билан биргаликда концерт беришганди. Дўстлари орасида Шоҳруххон, McShod, mr.Jocker ва ‘Афруз’ гуруҳи бор эди. Ҳар куни уларни кўришга борар эдим, лекин ҳали Мўмин акам билан орамизда фақат дўстлик эди. Тушлик олиб борардим. Концерт тугаса саҳна орқасига чақириб олар эдилар, жуда ҳам самимий инсон эдилар... Ҳаётимдаги энг бахтли дамларимни ҳеч нарса билан қиёслаб бўлмайди, бу дамлар эса Мўмин акам билан боғлиқ. Охиратлари обод бўлсин...»
Изоҳ (0)