Россиялик миллиардер Алишер Усмонов биноларни реставрация қилиш бўйича лойиҳалари шарофати билан «Италия Республикаси олдидаги хизматлари учун» ордени билан тақдирланди. «ТАСС» хабарига кўра, мукофот Италия президенти Сержо Маттарелла томонидан топширилган.
Хабар беришларича, Алишер Усмонов Москвадаги 1924 йилдан бери Италия элчихонаси жойлашган Берг уйини, Капитолий музейларидаги Горацийлар ва Куриацийлар залларини, Квиринал майдонидаги Диоскур фаввораси ва Римдаги Траян форумини реставрация қилиш лойиҳаларида иштироки учун тақдирланган.
«Италия Республикаси олдидаги хизматлари учун» Италиянинг энг олий ордени ҳисобланади. Алишер Усмонов — нафақат Россия, балки хорижда ҳам кенг миқёсли хайрия ишларини олиб борувчи россиялик миллиардердир.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)