24—25 март кунлари футбол бўйича Ўзбекистон кубогининг 1/16 финал учрашувлари ўтказилиши керак эди. ПФЛ ўз одатига кўра, унда бир қатор ўзгаришларни амалга оширди.
Ташкилот расмий сайтининг хабар беришича, Нукус ҳамда Урганч шаҳарларидаги стадионлар талабларга жавоб бермайди. Шу боисдан улардаги ўйинлар рақиб жамоа майдонига кўчирилган.
24 март куни «Орол» клуби ўз майдонида «Сўғдиёна»ни қабул қилиши керак эди. Мазкур ўйин эндиликда 26 март куни Жиззахда бўлиб ўтади.
25 март куни ўтиши режалаштирилган «Хоразм» — «Навбаҳор» ўйини эса шу куни Наманганда ташкиллаштирилади.
Бундан ташқари Тошкентнинг «Пахтакор» клуби 24 март куни Бухорода «Нурафшон» клуби меҳмони бўлиши керак эди. Бироқ тошкентликлар миллий терма жамоага 5 нафар футболчини жўнатиб юборгани учун, ўйинни қолдиришни сўраб ПФЛга мурожаат қилган. Шу боисдан учрашув 10 апрель кунига кўчирилган.
Изоҳ (0)