АҚШ президенти Дональд Трамп журналистлардан президент маошини айнан қандай хайрия мақсадлари учун сарф қилишни аниқлашда унга ёрдам беришни сўради. Бу ҳақда Оқ уй расмий вакили Шон Спайсер ОАВлар учун брифингда маълум қилди, деб ёзади «РИА Новости».
«Президент ўз маошини йил охирида хайрия учун сарф қилмоқчи. У сизлардан маблағни айнан қандай хайрияга йўналтиришни аниқлашни сўради. Бу журналистик корпуснинг маблағ нимага сарфлангани борасидаги даъволаридан қочиш имконини беради», — деди у.
Эслатиб ўтамиз, АҚШда сайлов натижалари эълон қилингач, сайланган президент Дональд Трамп йилига 400 минг долларлик президент маошидан воз кечиб, бор-йўғи 1 доллар олишини маълум қилган эди.
Изоҳ (0)