Буюк Британия бош вазири Тереза Мейнинг маълум қилишича, Шотландия мустақиллиги бўйича навбатдаги референдум жамиятнинг бўлинишига сабаб бўлади ва Бирлашган Қиролликда катта кўламли иқтисодий беқарорликни келтириб чиқаради. Бу ҳақда «Газета.ru» хабар бермоқда.
«Икки йил аввал ўтказилган референдумда Шотландия Бирлашган Қироллик таркибида қолиш учун қатъий овоз берган, Шотландия ҳукумати эса бу каби референдумларни бир авлод учун бир марта ўтказишни ваъда қилган эди», — деди Британия ҳукумати раиси.
Мейнинг сўзларига кўра, Шотландия биринчи вазири Никола Starжен янги референдум борасидаги ташаббусни Британия учун энг ёмон бир даврда ўртага ташлади.
«Маълумотлар очиқ кўрсатиб турибдики, Шотландиядаги одамларнинг аксарияти мустақиллик масаласида иккинчи референдум ўтказилишини истамаяпти», — деди Мей хоним.
Аввалроқ Шотландия биринчи вазири Никола Starжен келаси ҳафта янги референдумни ўтказишга рухсат беришни сўраб, Шотландия парламентига мурожаат қилиши маълум бўлган эди.
Изоҳ (0)