«ПСЖ» раҳбарияти «Барселона»га қарши учрашув борасида УЕФАга 8 банддан иборат ариза топширди

Франциянинг «ПСЖ» жамоаси раҳбарияти «Барселона»га қарши кечган ва каталонияликларнинг 6:1 ҳисобидаги сенсацион ғалабаси билан якунланган ЕЧЛ 1/8 финал жавоб учрашуви борасида саккиз банддан иборат бўлган аризасини тақдим этди, деб ёзади «Championat.asia» Marca нашрига асосланиб.

Франция клубининг эътирози учрашув бош ҳаками Дениз Айтекин билан боғлиқ. «Барселона» биринчи баҳсда тўртта гол ўтказиб юборди, жавоб ўйинида эришилган ғалаба эвазига мусобақанинг чорак финалга чиқди. Парижликларнинг фикрича, Айтекин учрашув натижасига таъсир ўтказган.

1. «ПСЖ» вакилларининг фикрича, Хавьер Маскерано қўл билан ўйнагани учун ҳакам рақиб дарвозасига пенальти белгиламаган.

2. Жерар Пике Каванига нисбатан ишлатган қўполлиги учун иккинчи сариқ карточка олиши керак эди.

3. Неймар ва Менье ўртасидаги тўп учун курашда ҳакам «ПСЖ» дарвозасига пенальти белгиламаслиги керак эди.

4. Ҳисоб 3:1 бўлиб турган пайтда Неймар Маркиньоснинг оёғига зарба берди. Айтекин бу вазиятда Неймарни сариқ карточка билан жазолади. «ПСЖ» вакилларининг фикрича, бу ҳолатда бразилиялик футболчи четлатилиши керак эди.

6. 78-дақиқада Пике ўз жарима майдончаси ичида тўпни қўл билан ўйнагани учун «Барселона» дарвозасига пенальти белгиланиши керак эди.

8. Ҳакам Суаресга нисбатан ишлатилган қўполлик учун пенальти белгилаб хато қилган. Аслида қўполлик бўлмаган ва Суарес симуляция ишлатган эди. Ушбу вазиятда уругвайлик футболчи яна бир симуляция учун иккинчи сариқ карточка олиши керак эди.