Эфиопия пойтахти Аддис-Абеба чекка қисмидаги ахлатхона ўпирилиши қурбонлари сони 60 кишидан ошди. Бу ҳақда CNN хабар бермоқда.
Олдинроқ ҳодиса оқибатида 48 киши ҳалок бўлгани билдирилганди.
Ўпирилиш 12 март куни содир бўлди. Чиқиндилар вақтинчалик қурилган ва бетон уйларни қоплади. Воқеа юз берган пайт бу ерда 150 киши бўлган, улардан 37 нафари қутқарилди.
Ўпирилишга нима сабаб бўлгани ҳозирча номаълум. Бу ерга 50 йилдан ошиқ вақт мобайнида пойтахтдан чиқиндилар ташиб келинган, охирги пайтларда бунга барҳам берилган эди. Бироқ, маҳаллий аҳолининг таъкидлашича, яқинда чиқиндиларни келтириш қайтадан бошланган.
Изоҳ (0)