Дунё 1945 йилдан бери энг йирик гуманитар инқирозни бошидан кечирмоқда: Яман, Жанубий Судан, Сомали ва Нигерияда 20 миллиондан ортиқ одам очарчиликдан азият чекмоқда.
Бу ҳақда БМТ бош котибининг гуманитар масалалар бўйича ўринбосари Стивен ЎБраин маълум қилди, дея хабар бермоқда «Коммерсант.ru».
БМТ бош котиби ўринбосари мазкур давлатлардаги муҳтожларга зарур ёрдам кўрсатиш учун июль ойигача камида 4,4 миллиард доллар ажратиш зарурлигини билдирди.
Аввалроқ Африка шарқидаги очарчилик муаммосини БМТ раҳбари Антониу Гутерриш кўтарган эди.
Бош котиб ташкилотга аъзо давлатлардан бу мақсадлар учун камида 4,4 миллиард доллар олиш зарурлигини таъкидлаган, шу билан бирга, аслида 5,6 миллиард ажратилишини мақсадга мувофиқлигини айтган эди.
Антониу Гутерриш БМТга аъзо давлатлар томонидан тўланаётган бадаллар ҳажми камлигини айтиб, халқаро ташкилот бошқарувида ислоҳотлар ўтказиш лозимлигини билдирган эди.
Эслатиб ўтамиз, олдинроқ аъзолик бадалларини тўламаган 6 мамлакат БМТ Бош ассамблеясида овоз бериш ҳуқуқидан маҳрум этилгани ҳақида хабар берилганди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)